عَمـــي محَمّــد..
ـــــــــــــــــــــــــــــــــــ
ـــــــــــــــــــــــــــــــــــ
عمي محمد فِدوه فِديته
عمي محمد إشكَد حبيته
عمي محمد عمي الأصغر
شايل كتبي وآني زغير
عايش يمنه وياما أذكّر
حاير بي َّ إبباب الشيخ
يَم ّ مَدرستي مَره يناطر
ويَم ّ دائرتي إبباب إمعظّم
* *
عمي محمد أغلى عَمامي
إشكَد حبيته وياما إنطاني
ملابس عيدي هَم لَبسّني
وياما فَرحني إبقمصاني
عمي محمد كَلب إلطيّب
لازم إضبارة تَعييني
وبيده يتابع ما ينساني
صاعِد نازِل مِثل إللوّلب
يدّافع كَبلي وكَدامي
* *
عمي محمد إشكَد وصّلني
وياما رَّكبني وصَّعدني
وبالسياره اللون الخاكي
ركبّني إلواز أو وداني
شَرق البصره يفترّ بي َّ
للوِحده إل أتعايش بيها
وجم آمر وِحده إلوصّالي
* *
عمي محمد فرحة بابا
وبوسة أمي مِن نِتلاكَه
طبّة رِجله إبباب إلحوش
تِملي بيتي كلها سَعاده
عمي محمد رَحمة رَبي
كل ّ عيد إزغير ذاكرنه
وكل أضحى إمكفي وزايرنه
وزوجة عمي إتحشم بيه
ينطي إلأولاد إلعيديه
يوزع شدّه وياهو إلينطي؟!
عمي محمد نافِل جَيبه
نفسه كريمه وحلّو إلملّكَه
طيّب كَلبه إشكَد ما تحجي
* *
عمي محمد وإحنه إزغار
ياما ودانه إلسعدون
إشكَد أفلام شِفنه إبجاله
مَره إل بابل ومَره إل أطلس
وياما للنصر وغرناطه
إيكَود إدينه نُعبر شارع
وللمَعرض ياما ودانه
عمي محمد فرحة بابا
ما عَنّا يوم إتخلانه
عمي محمد إشكَد حبيته
عمي محمد عمي الأصغر
شايل كتبي وآني زغير
عايش يمنه وياما أذكّر
حاير بي َّ إبباب الشيخ
يَم ّ مَدرستي مَره يناطر
ويَم ّ دائرتي إبباب إمعظّم
* *
عمي محمد أغلى عَمامي
إشكَد حبيته وياما إنطاني
ملابس عيدي هَم لَبسّني
وياما فَرحني إبقمصاني
عمي محمد كَلب إلطيّب
لازم إضبارة تَعييني
وبيده يتابع ما ينساني
صاعِد نازِل مِثل إللوّلب
يدّافع كَبلي وكَدامي
* *
عمي محمد إشكَد وصّلني
وياما رَّكبني وصَّعدني
وبالسياره اللون الخاكي
ركبّني إلواز أو وداني
شَرق البصره يفترّ بي َّ
للوِحده إل أتعايش بيها
وجم آمر وِحده إلوصّالي
* *
عمي محمد فرحة بابا
وبوسة أمي مِن نِتلاكَه
طبّة رِجله إبباب إلحوش
تِملي بيتي كلها سَعاده
عمي محمد رَحمة رَبي
كل ّ عيد إزغير ذاكرنه
وكل أضحى إمكفي وزايرنه
وزوجة عمي إتحشم بيه
ينطي إلأولاد إلعيديه
يوزع شدّه وياهو إلينطي؟!
عمي محمد نافِل جَيبه
نفسه كريمه وحلّو إلملّكَه
طيّب كَلبه إشكَد ما تحجي
* *
عمي محمد وإحنه إزغار
ياما ودانه إلسعدون
إشكَد أفلام شِفنه إبجاله
مَره إل بابل ومَره إل أطلس
وياما للنصر وغرناطه
إيكَود إدينه نُعبر شارع
وللمَعرض ياما ودانه
عمي محمد فرحة بابا
ما عَنّا يوم إتخلانه
