زهير كاطع الحسيني
سـُــخريه ..!
ـــــــــــــــــــــــــــــ
لو جان بالدوله شُغل
جان إشتغل حَسوني
خربانه مِن ذوله إجووا
كَطعووا علينه إلبوري
طِشار صارت ْ إخوتي
وإحنه بعَهد جَمهوري !
لِحكَونه عل ّ راتِب بَعد
إشهوّر ما ينطوني
لو جان غيره للزِلِم
حاجاتي مي بيعوني
نيّام عل ّ كرسي غِفووا
وبشخيّرهم ضوجوني
جا وين شُغل إلمالكي
وينه سليم إجبوري ؟!
حَطوها إبراس إلشَعب
وحاير بُــقه حيدوري !!
