الرئيسية » » عشان تعيش مبسوط يا غريب | عماد بدر

عشان تعيش مبسوط يا غريب | عماد بدر

Written By Unknown on الاثنين، 20 يوليو 2015 | 8:17 ص



عشان تعيش مبسوط يا غريب
انسى انك غريب
وبرطع ف الحواري وف الشوارع
الغربة خلت قلبنا ساقع
الغربة سجن وحرية
تمشي السنين وتكعبل الجاية
وانا شفت ياما ولسه بكرة هشوف
عامل لي بعد ما بوستها مكسوف
ع السلم طلعت وقابلتها بالشوق
لا امها واقفه ولا ابوها كان شايف
خدنا الكلام والبوسة عدت زوق
ونزلت بجري زي الحرام خايف
ساعة الطلوع _السلم_ اداني الشجاعة
الشقق مقفولة ولا هس ولا اسكت
والساعة عدت اقصر من الساعة
والبوسة تيجي ف البدن تنكت
طيرت من صدري في ثانية السنين
وصبحت ابيض من فستان العروسة
-عيش يا غريب وانسى الحنين
انت هنا ف القاهرة المحروسة
ومن قبلك عملت انا قبلك
وبوست البنت فاتخضيت
ومكتوب لي ف لحظة انا اقابلك
ونسكن بنفس البنت نفس البيت
نفس الشقة والسراير جمب بعض
مين فينا حبها اكتر
انا ..ولا انت
عيش يا غريب ولا تفكر
الغربة سجن وحرية
تمشي حاجات تلاقي حاجات جاية
وانا شفت يامام ولسه بكره هشوف
عامل لي بعد ما بوستها مكسوف

التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.