الرئيسية » » مسافر گضيت العمر ورقة إعله چتف الريح | أحمد الشيخ ماجد

مسافر گضيت العمر ورقة إعله چتف الريح | أحمد الشيخ ماجد

Written By Unknown on الخميس، 11 يونيو 2015 | 4:13 ص



مسافر گضيت العمر ورقة إعله چتف الريح
وكل شهگة صارت جنح يم عمري خاف تطيح!
ياروحي وحشة الدرب وبخطوتچ سمّي
انتي عليچ الجرح وآنه علي همّي
شفت الونين برمح يعبر نهر دمي
وما ادري عيني البچت لو غيمة اجت يمّي!
كل ما اگول أعبرت يتبعني حبل الصوت
حسبالي من ابتعد كل ذكرياتي تموت!
ياروحي ظل بس درب خلنه بعمانه نفوت
لو هيّة خطوة امل لو هيّة للتابوت
مسافر واخذني التعب والغربة صارت طبع
يالوحشتك من تمر سَفرة ونين بضلع
مرّات احسّك عطش من روحي راح انشلع
ليلك تبعني برمح واحتمي بظهر الشمع!
كل الليالي انگضت بس ليلك اشكبره
ياكلبي صار الدمع مرسال للعبره
دورلي يمك صبر گلبي خلص صبره
ومو ماي اعبره إبّلم.. بس ليل شيعبره!!
التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.