الرئيسية » » تَـعــال | ريـاض جـــواد كشكـول

تَـعــال | ريـاض جـــواد كشكـول

Written By Lyly on الخميس، 5 مارس 2015 | 1:53 م


تَـعــال
رياض جواد كشكول



أنـه بلياك 

حال الضيم حالي

ظلمة

و سودة

متكئبة الليالي

مَرَتْ بيه الغيوم

مطرها دمع و هموم

شسولفلك

على گـَطعَك وصالي تعال إرجع

تره بعدَك صُفيت بلايه غالي

بدمع بَلَلتْ الهدوم

بعدك حيلي مهدوم

و أنـه بلياك حال الضيم حالي

ظلمة و سودة متكئبة الليالي

تعال و حِنْ عليه 

ولو بالنوم

بَعدَك مِثل غرگان

و ماله بالعوم

صِرِتْ ما أميز

أشكي للگـُمَر 

لو هو شِكالي

حِچايانه بدر

و هلالك حِچالي

أطلُب منه ميغيب

أشوفك بالگـُمَر 

مدري إنت متغيب

أنه بلياك حال الضيم حالي

ظلمة وسودة متكئبة الليالي

أگـُلهَ أنتَ الأصِل

يا طِـيْـبْ

بفراگـَك جروحي

أبد متطيب

أنه الميت عليك

وإنتَ لا أُبالي

يميني إبُعـْدَك إنـْشَلَتْ

وإنـْشَلَتْ شِمالي

تعال 

و ما ألومك أبَد

ما لوم

أريدك تجي لا ألومك

ولا تلوم

بس إرحم بحالي

يا كـُل إعتلالي

صِرت مجنون بعدك

لا أُبالي

بس إلـوَنْ صديقي

ضِحك إل بالوجه لا مو حقيقي

سَهر ومعاتب وخوف

كل اللي صفالي

أنه بلياك حال الضيم حالي

ظلمة و سودة متكئبة الليالي

أنه بلياك 

عيوني تشكي الدموع

ودموعي تگطِر فوگ الشموع

وصرت مجنون 

أحاچيك بخيالي

وأخاف من الضوه 

الياخذ خيالي

عشت ظَلـمة بلياك

يا كـُل النَفَس

باقي آني أهواك

ما عايش بأوهام

تمرني بس بالأحلام

أنه بلياك حال الضيم حالي

ظلمة و سودة متكئبة الليالي

،،،،


التعليقات
0 التعليقات

0 التعليقات:

إرسال تعليق

يتم التشغيل بواسطة Blogger.